Marseilles Farm Guest House

Ruim parkering, lekker groot netjiese huis, ons het tuis gevoel.

Baie lekker geslaap. Sal vir seker weer hier oorslaap. Word wakker op 'n plaas dit was heerlik. Die huis is netjies en ruim.

Ten minste 5 ster akkommodasie.

Baie baie dankie vir die span. Die spasie, netheid, alles is silwerskoon en pragtig met 'n prentjie mooi uitsig en meer as volledig toegerus. Ons waardeer julle baie!

Stil en rustig.

'n hele huis vir jouself. Stil en rustig.

Gerieflik en verfrissend (al was die baie warm buite ).

Ons het die 2 nagte op die plek geweldig geniet. Dit was die perfekte asemskep-geleentheid op pad terug van vakansie om net diep te kan asemhaal voor die dolle vaart van die nuwe jaar begin. Die huis is baie goed toegerus. Ons sal baie graag weer hier wil oorbly.

Egte Karooplaas-rustigheid.

Ideaal vir wegkom van die stad se gedruis. Stilte en pragtige Karoo-omgewing. Sterrehemel en lekker familietyd om die braai.

Uitstekend.

Baie mooi en waarde vir geld.

Vinnige stop.

Ons het op pad van Gauteng na die Kaap een nag oorgeslaap - die ligging is baie gerieflik. Ons was 'n groep van my seun (mid twintigs), my ma (80's) en ek en my man. Ek en my man verkies enkel beddens, en ouma en kleinseun kon nie in dieselfde kamer slaap nie - die huis was perfek vir ons groep. Dankie vir die lekker rustige oorslaap.

Very quiet, good place to go to get away from the city.

Not a lot to do except braai and go for a short walk, which could be good or bad. We had really bad loadshedding when we visited, but the guest house supplied candles, batteries and lanterns which helped a lot. Would definitely recommend for a bigger group, at least 4 people. Gets a bit lonely and quite spooky in such a big house if you're only 2 people. The customer service was amazing.

Ons was daar vir familie byeenkoms! Het lekker gekuier op die dorp en kon terug na die plaasgevoel waar dit rustig en stil is. Goeie oasis! Definitief ideaal vir rus voordat jy die pad verder vat of dit Johannesburg of Kaapstad is! Lekker gekuier! Ruim kamers. Lugversorging 'n plus! Tipiese plaasverblyf.

Lekker bederfie in die middel van êrens en nêrens!

'n Salige rusplek vir liggaam, siel en gees.

Die pragtige plaashuis en opstal het ons inderdaad verras. Alles was netjies, skoon en gerieflik met 'n eie bekoring van 'n vervloë era. Vir ons stadsjapies was die stilte baie welkom, en kon ons nie genoeg foto's neem van die manjifieke sonsondergang nie. Al waaroor ons spyt is, is dat ons nie langer kon bly nie. Dankie in besonder aan die gasvrou vir haar vriendelike ontvangs en vir die geskenkies. Ons het bederf gevoel. Sal enige tyd weer daar gaan bly, hierdie keer vir langer.

Uitstekende verblyf.

Sal Marseilles Farm Guest House hoogs aanbeveel. Skoon, netjies en kon glad nie fout vind met enige iets nie. Beste verblyf wat ons nog gehad het, al wat ons oor spyt was, is dat ons nie langer gebly het nie. Die sterre is ongelooflik mooi en die stilte is net wat 'n mens soek na 'n lang reis. Ancha was baie vriendelik en het seker gemaak dat ons baie tuis voel.

Nadat ons met eienaar gesels het, en geweet het dat dit net ons was wat daar ingeboek is, het ons heerlik gebly!

Sien sterre.

Selfsorg-geriewe was baie goed voorsien.

Die webwerf het nie 'n ware beeld van die verblyf voorsien nie. Die huis was egter in ons smaak. Karoo-plaashuis in 'n afgeleë omgewing met alle geriewe vir 'n gerieflike verblyf.

'n Ware ervaring.

Ons het slegs twee aande oorgebly (met vakansie af en met die terugkom) maar wens ons kon langer bly.

Baie ruim, netjies, goeie oornagplek.

Ons het heerlik oornag, lekker ou plaashuis, baie netjies, kan dit sterk aanbeveel.

Groot verrassing dat ons 'n hele Karoo-plaas vir onself gehad het!

Hier het ons gewens ons kon 'n maand bly. Ons het nie besef ons kry 'n hele huis vir daardie prys nie. Dis nie vêr uit die dorp nie, maar dit voel so. Pragtige Karoo-uitsig van die groot stoep af, 'n plaasdam om in te swem, koppies om te klim. Ons wou dit koop, maar die eienaars weier! Rustig en mooi!

Lekker op die plaas.

Baie mooi, rustige, gemaklike en skoon huis. die kombuis veral was 'n verrassing, baie goed toegerus.

Heerlik!

Baie lekker verblyf. Groot en baie netjies. Dis net 'n entjie uit die dorp uit, moet onthou om gaste te waarsku om alles te kry in die dorp, voor hulle uit ry plaas toe.

Lieflike, rustige plaashuis ervaring.

Die plaashuis is net so entjie buite die dorp, en regtig 'n wonderlike, rustige bestemming. Lekker stoep waar mens kan braai en uitkyk oor die veld. Die huis is baie ruim, en mens kry daardie tipiese plaashuis gevoel. Als 'n skoon en netjies. Dit was 'n heerlike ervaring, al het ons net een aand daar oorgeslaap. Ons het deur Victoria-Wes gery, en glo my, jy sal eerder op Marseilles wil bly as in die dorp. Die dorp lyk ongelukkig maar bietjie vervalle. Die eienaar was baie behulpsaam, en die huis was skoon en netjies. Daar was selfs blitz en hout vir ons gewees, asook twee braaipakke in die vrieskas, sonder dat ons daarvoor gevra het. Ons het dit baie geniet. Die air-con in die hoofslaapkamer maak ook 'n groot verskil in die somer!

Plek uit duisend.

Uitstekende puik en skoon ou plaashuis, sowaar waarde vir geld. En die stilte en sterre is die moeite werd. Ons sal graag weer daar oornag.

Ons kom tot ruste hier.

Heerlike begin van ons vakansie. Lekker groot huis, goed ingerig.

Fantasties.

Baie dankie vir die gasvryheid. Lekker stop op pad Kaap toe.

Lekker plaashuis, lekker geslaap, maar gebruikte goed in badkamer en yskas.

Die huis is gerieflik en groot, die beddens slaap lekker en die Volpes-beddegoed is pragtig en skoon. Ons is goed ontvang en die eienaars was baie vriendelik. Al wat my ietwat afgesit het, was dat dit lyk of daar moontlik iemand in die huis woon wanneer dit nie uitverhuur is nie. Daar was gebruikte koekies-seep, stortseep, sjampoe en sponsies in die badkamer, en dit lyk nie soos iets wat vorige gaste daar vergeet het nie. As dit só was, moes dit verwyder word. Daar was ook oop, gebruikte melk in die yskas wat verder die indruk geskep het van iemand wat daar woon. Ek voel net as mens 'n plek huur, moet daar of nuwe, ongebruikte goed neergesit word of niks. 'n Gebruikte koekie-seep en 'n hoop vuil sponsies op die stort se muur is regtig nie iets waarin ek wil vaskyk nie.

Wou graag my kinders die Karoo laat beleef en Marseilles het alles gebied en meer!

Baie dankie vir alles, die plek is pragtig en ideaal vir 'n groot groep om oor te slaap!

Heerlike huis vir groot families.

Pragtige huis en die stilte is rondom jou hier.

Heerlike plattelandse verblyf met 'n groot en ten volle toegeruste plaashuis met 'n outydse atmosfeer tot jou beskikking.

Dit is 'n vakansie op 'n plaas. Die volledige huis met 10 vertrekke is net aan ons toegeken. Die eienaars woon op die buurplaas. Ons was heerlik alleen. Die stilte en die son wat sak met die windpompe in die agtergrond was lafenis vir siel en liggaam. Ek sal beslis altyd daarso oorslaap. Meer mense behoort kennis te neem van Marseilles, want dit is waarde vir geld. Dit is naby Victoria-Wes en slegs 'n km van die teerpad af. Ons het 'n kredietkaart, in die sakkie ys in die vrieskas nogal, vergeet, maar Ancha het dit onmiddellik gaan soek en wat meer is, sy het dit persoonlik drie later vir my dogter in George afgelewer 400 km verder. Dit is diens. Ancha en Jaco was baie gasvry en hulle boere-etiket het bygedra tot ons lekker verblyf.

Heerlike rustige plaas-atmosfeer.

Dis rustig na 'n lang reis, huislik en kalmerend.

Dit was lekker gewees.

Ek sal dit aanbeveel.

Prakties, skoon, netjies.

Goeie plek vir 'n groep, lekker op 'n plaas.

Pragtige groot Karoo-huis, heerlik gebly dankie.

Marseilles is baie goed toegerus en die huis is baie groter as wat ons verwag het. Regte plaas-atmosfeer. Lekker naby aan die teerpad maar ver genoeg dat mens nie die verkeer hoor nie. Pragtige plek en omgewing. Ons was spyt om so gou weer te vertrek. Dankie!

Rustige en pragtige ou huis.

Die huis waarin ons gewoon het is pragtig en ons het ons verkyk aan die ou meubels, houtvloere en Aga-stoof. Die omgewing is rustig en pragtig. Ons het slegs telefonies met die eienaar gekontak en haar glad nie gesien nie.

Netjies en absoluut voldoende akkommodasie.

Marseilles is 'n baie goeie oornagplek op pad Kaap toe. Dit is nie ver van die grootpad, is baie netjies en alles is daar wat nodig is. Neem net eie vuurhoutjies vir die braai! Ons sal definitief weer daar oornag. Baie dankie!

'n Heerlike oornaghuis met stilte en privaatheid.

Dankie Ansa, vir 'n heerlike oornag. Dankie vir jou sorgsaamheid. Daar is 'n paar stukke meubels en ornamente in die huis wat ou herinneringe van kleins af teruggebring het ─ baie besonders! Marseilles sal ons vir seker weer sien. Volgende keer moet ons dit dalk 2 nagte maak, net vir die lekker! Beste wense vir julle.

Rustig, baie netjies, baie goeie waarde vir geld.

Rustige plekkie net af van snelweg. Baie netjies en uitstekende waarde vir geld. Die selfoon nommer wat Lekkeslaap verskaf vir blyplek kon ek nooit antwoord op kry, maar hulle reageer vinnig op email.

Egte Karoo plaas ervaring.

Stilte. Lekker oornag verblyf, weg van die gewoel.

Rustig en gemaklik.

Die gasteplaas is na aan die hoofpad wat dit 'n maklike oorstop maak. Pragtige ou huis met baie karakter. Alles was mooi skoon en netjies en ons een aand se oorslaap was regtig aangenaam. Baie dankie.