Ocean View C602

Lieflike uitsig, maar aandag kort!

Daar is baie voordele, fantastiese uitsig, goeie beddens en skoon linne. Goeie ontvangs deur Gideon, maar die woonstel is verwaarloos, stukkende vensters en het dringend opknapwerk nodig. Die plek is ook nie skoon nie. Dit is 'n jammerte dat so 'n lieflike plek so verwaarloos is.

Absolutely fabulous and so rejuvenating.

Warm and friendly transition from host to customer. Serene and breathtaking ocean views. Love the interior design. Well-catered for the needs of a pleasant stay a must come back experience. A most warm friendly host.

Dit was 'n heerlike week. Alles in woonstel was soos op website geadverteer.

Die enigste ongerief was dat daar redelik baie opknappingswerk aan die buitekant van gebou was. Jy sit nog vroegoggend buite en koffiedrink dan klim die verwers soos miere oor jou balkon. Maar ek weet dat dit nodig is dat dit gebeur, net gewens dit was nie in my week nie. Ook het die hysbak nie gewerk nie, so dit was nogal 'n missie om met al jou bagasie elke dag 60-70 trappe te klim.

Sal definitief Ocean View C602 aanbeveel en weer teruggaan.

Ek het plek gesoek om oor te slaap vir ons wittebrood en die aand voor die tyd saam met die blommemeisies van die troue. Van die eerste klick vir navrae tot op die einde was die diens uitstekend! Elvona van die webtuiste het dadelik teruggekom na my toe om te sê dit is beskikbaar. Ek het geboek en betaal. Ek het spesiale versoeke gehad vir die aand voor die troue en die aand van die troue. Hulle het als gedoen wat ek gevra het en meer. Die woonstel was pragtig skoon. Al die geriewe wat ons nodig gehad het was daar en die uitsig is astronomies mooi. Krissy het vooraf kontak met my gemaak om te reël vir die sleutel. Hy is 'n aanwins vir die besigheid en 'n plesier om mee te werk. Die hele ervaring was fantasies!. Ek sal definitief hulle aanbeveel en ons/ek en familie sal definitief weer teruggaan. 10 uit 10 puik diens.

A clean beautifully decorated and well equipped apartment with an amazing view.

We will definitely be back.

Pragtige uitsig! Teleurstellende verblyf.

Wat 'n pragtige skoon dorp met die mooiste uitsigte. Mense wat hier bly is regtig bevoorreg. Ongelukkig kan ek nie dieselfde sê van die verblyf nie. Met ons aankoms by die plek het die remote wat toegang gee tot die parkering nie gewerk nie. Geen gloeilampies in die bedlampies nie. Moet net byvoeg dat die bedlampies se gloeilampe vervang was en het 'n ander remote vir die parkering gekry. Die skottelgoedwasser het nie gewerk nie. Plek was redelik skoon, maar agter beddens en onder tafels kon mens sien dit is nie skoon nie. Een handdoek wat uitgesit was het gelyk asof iemand dit met 'n skêr 'n hoek uitgesny het. Hoe sit 'n mens so iets uit vir iemand om te gebruik? 'n Inwoner van die kompleks het ons woonstel op 3 geleenthede binnegekom en haar gehaas na die badkamer om te kyk waarom daar water deur haar dak lek. Aan ons kant was dit droog. Dit was onvanpas en dit het gevoel asof ons privaatheid binnegedring word. Die geld wat ons betaal het vir 7 nagte se verblyf was baie geld, maar 'n mens gee nie om om dit te betaal vir 'n goeie ervaring nie. In die geval was dit definitief nie money well spend nie! As dit nie vir die uitsig was nie sou ons aangedring het op 'n ander wooneenheid. Ek voel net dat 'n plek met die aankoms in 'n goeie kondisie moet wees en dit moet nie nodig wees om die hele tyd te moet skakel oor probleme wat opduik nie. Sal nie weer van die verblyf gebruik maak nie.